Category: நம்பினால் நம்புங்கள்

விமானத்தை கண்டுபிடித்தவர்கள் என்று போற்றப்படுபவர்கள் அமெரிக்காவைச் சேர்ந்த ரைட் சகோதர்கள். இவர்கள் 1903ஆம் ஆண்டு தாங்கள் உருவாக்கிய விமானத்தில் பறந்து உலகப் புகழ் அடைந்தனர்.

ஆனால் இவர்கள் ஆகாயத்தில் விமானத்தில் பறப்பதற்கு 8 ஆண்டுகளுக்குமுன்னரே, விமானம் தயாரித்து அதில் பறந்து காட்டி அசத்தியிருக்கிறார்இந்தியர் ஒருவர்.

மும்பையைச் சேர்ந்த சிவ்கர் பாபுஜி தல்பேட் என்பவர் சமஸ்கிருதம் மற்றும் வேதங்கள் கற்று அறிந்த சிறந்த அறிஞர் ஆவார்.

இவர் வேதங்களில் உள்ள பறக்கும் இயந்திரங்களை அடிப்படையாகக் கொண்டுசுயமாகவே ஒரு விமானம் தயாரித்து அதில் பறந்தும் காட்டியுள்ளார். இதுவேமனிதனால் உருவாக்கப்பட்ட முதல் பறக்கும் இயந்திரம் என்று கருதப்படுகிறது.

ரைட் சகோதர்கள் ஆகாய விமானத்தில் பறப்பதற்கு 8 ஆண்டுகளுக்கு முன்னரேசிவ்கர் பாபுஜி தல்பேட், தான் தயாரித்த விமானத்தில் 1895ஆம் ஆண்டுமும்பையில் உள்ள சொளபதி பகுதியில் பறந்து காட்டியுள்ளார்.

கேப்டன் ஆனந்த் போதாஸ் மற்று அமேயா ஜாதவ் ஆகிய இருவரும் பண்டைய கால விமானப் போக்குவரத்து குறித்து ஆராய்ச்சி மேற்கொண்ட போது இது தெரியவந்திருக்கிறது.

இது தொடர்பான ஆய்வறிக்கையை இருவரும் 2015ஆம் ஆண்டு மும்பையில் நடந்த 102வது இந்திய அறிவியல் காங்கிரஸ் மாநாட்டில் சமர்ப்பித்துள்ளனர்.

சமஸ்கிருத அறிஞரான சிவ்கர் பாபுஜி தல்பேட் வேதங்களை கற்றறிந்தவர். அது குறித்த ஆராய்ச்சிகளையும் மேற்கொண்டவர் ஆவார்.

இவர் ரிக் வேதத்தில் குறிப்பிடப்பட்டுள்ள பறக்கும் இயந்திரங்கள், விமானங்கள் ஆகியவை குறித்தும் அவற்றின் செயல்பாடுகள் குறித்து பல்வேறு கட்டமாக ஆராய்ந்துள்ளார். மேலும், சப்தரிஷிகளுள் முக்கியமானவர்களான அகத்தியர் மற்றும் பரத்துவாசர் மாமுனிகள் குறிப்பிட்டுள்ளவற்றை ஆராய்ந்து பார்த்தே அதன்படி விமானத்தை தயாரித்துள்ளார் என்றும் கூறப்படுகிறது. எனினும் இந்த வரலாற்றை ஆங்கிலேயர்கள் மறைத்துவிட்டனர் என்றும் குற்றச்சாட்டு முன்வைக்கப்படுகிறது.

ரைட் சகோதரர்களுக்கு முன்னதாகவே விமானம் தயாரித்து அதில் பறந்து காட்டியவர் என்று கருதப்படும் சிவ்கர் பாபுஜி தல்பேட்டின் வாழ்க்கை வரலாற்றை அடிப்படையாகக் கொண்டு 2015ஆம் ஆண்டு ஹவாய்சாடா என்ற இந்தி திரைப்படம் எடுக்கப்பட்டுள்ளதும் குறிப்பிடத்தக்கது

மற்ற கிரகங்களில் உயிர்கள் வாழ வழி இருக்கிறதா என்பது பற்றி பேசும்போது, சிலர் நம் சொந்த சூரியக் குடும்பத்திலேயே அதற்கான ஆதாரம் இருக்கிறது என்கின்றனர். செவ்வாயில் உயிர்கள் வாழ்கின்றன என்றும் நாசா அதனை மறைப்பதாகவும் சில சதி கோட்பாட்டாளர்கள் கருதுகிறார்கள்.

செவ்வாய் கிரகம் சம்பந்தமான பல புகைப்படங்கள் அங்கே வேறு உயிர்களின் நாகரிகம் இருந்ததா என்ற கேள்வியை எழுப்புகின்றன.  இந்த புகைப்படங்களையும் சதி கோட்பாடுகளையும்  புறக்கணிக்க வேண்டும் என்று  விஞ்ஞானிகள் கூறினாலும், செவ்வாய் கிரகத்தின்  காந்தப்புலம் மறைவதற்கு முன்பு, அதன் மேற்பரப்பில் திரவப்  பெருங்கடல்கள் ஒருகாலத்தில் இருந்ததாக  ஒப்புக் கொண்டுள்ளனர். முன்பொரு காலத்தில் உயிர்கள் அங்கே வாழ்ந்தனவா ? செவ்வாய் கிரகத்தில் தற்போது கியூரியோசிடி ப்ரொபினால் நடத்தப்படும் ஆய்வுகள் பெரும்பாலும் இதற்கான விடையைத் தேடியே அமைக்கப்பட்டுள்ளன.

பதிவு செய்யப்பட்ட வரலாற்றுக் குறிப்புகளின்படி, உலகில் மிக அதிக வருடங்கள் உயிர் வாழ்ந்தவர்  சீனாவின் லி சிங் யுவென் என்று கருதப்படுகிறார். இவர் 256 வயது வரை உயிர் வாழ்ந்திருந்தார் என கருதப்படுகிறது.

நியூயார்க் டைம்ஸ் ஏடு 1930-ல் வெளியிட்ட ஒரு கட்டுரையின்படி, வு சுங்-சியே என்ற செங்டூ பல்கலைக்கழகத்தின் பேராசிரியர், பண்டைய சீனப் பேரரசின் ஒரு ஆவணத்தைக் கண்டுபிடித்தார். 1827 – ஆம் ஆண்டைச் சார்ந்த அந்த ஆவணத்தின்படி 150 வயதான முதியவர் லி சிங் யுவெனுக்கு அப்போதைய சீன அரசாங்கம் வாழ்த்துதல் தெரிவித்திருக்கிறது. மீண்டும் அவருடைய 200-வது வயதிற்கு அரசாங்கம் வாழ்த்து தெரிவித்த , 1877 – ஆம் ஆண்டைச் சார்ந்த இன்னுமொரு ஆவணமும் கண்டுபிடிக்கப் பட்டதாகத் தெரிகிறது.

1928 ஆம் ஆண்டில் நியூயார்க் டைம்ஸ் நிருபர் எழுதிய தகவல் : லீயின் அண்டை வீட்டிலுள்ள பல முதியவர்கள், தாங்கள் சிறுவர்களாக இருந்தபோதே தங்களுடைய தாத்தாக்கள் அவரை ஒரு வளர்ந்த மனிதராக அறிந்திருந்ததாக கூறியிருக்கின்றனர்.

லி சிங் யூனின் சொந்த மானிலத்தில் நிலவும் சில பழங்கதைகளின்படி, அவர் 10 வயதில் தனது மூலிகைத் தொழிலைத் தொடங்கியிருக்கிறார். மலைப் பிரதேசங்களில் மூலிகைகள் சேகரித்து வருகையில்,  மூலிகைகளால் வாழ்நாள்களை அதிகரிக்கும்  ஆற்றலைப் பற்றி அறிந்திருக்கிறார். கிட்டத்தட்ட 40 ஆண்டுகளாக, அவர் லிங்க்சி, கோஜி பெர்ரி, காட்டு ஜின்ஸெங், ஷூ வு, கோடு கோலா மற்றும் நெல் மது ஆகியவற்றைக் கொண்ட உணவையே உண்டார்.  இடையில் 1749 ஆம் ஆண்டில், 71 வயதில், அவர் சீன ராணுவத்தில் தற்காப்புக் கலை ஆசிரியராக சேர்ந்ததாகவும் கூறப்படுகிறது. முதல் நூறு ஆண்டுகளுக்கு அவர் மூலிகை சேகரிப்பில் தொடர்ந்தார்.  பின்னர் அவர் மற்றவர்கள் சேகரித்த மூலிகைகளை விற்பனை செய்தார்.

லி, அவரது சமுதாயத்தில் எல்லோருக்கும் பிரியமான நபராக இருந்தாராம். 23 முறை திருமணம் செய்து 200 க்கும் மேற்பட்ட குழந்தைகளுக்குத் தந்தையாயும் இருக்கிறாராம்.

லி-யிடம் அவரது நீண்ட ஆயுள்காலத்தின் இரகசியம் என்னவென்று வினவப்பட்டபோது, அவர் கூறியது : “அமைதியான மனதுடன், ஒரு ஆமை போல உட்கார்ந்து, ஒரு புறாவைப்போல சுறுசுறுப்பாக நடந்து, ஒரு நாய் போல தூங்கவதே எனது இரகசியம்.”

நம்பமுடியாத நீண்ட ஆயுள் இரகசியமாக லி அமைதியுமான மனநிலையையும் மூச்சுப் பயிற்சியையும் கூறினாலும், அவரது உணவும் அதற்கான ஒரு காரணமாகவும் இருந்திருக்கலாம்.

இச்செய்தி ஒரு போலித் தகவலாகவும் இருக்க வாய்ப்பு இருக்கிறது. ஏனென்றால், தொலைதூர இடங்களில் வாழ்ந்த பல சீன கிராமவாசிகள் தங்கள் மரணத்தை போலியாக ஏற்படுத்திக் காண்பித்துவிட்டு முன்பே இறந்து போன தங்கள் தாத்தா அல்லது பெற்றோரின் அடையாளத்தை எடுத்துக்கொண்டு புதிய அவதாரத்தில் உலவி வந்திருக்கின்றனர். இவ்வாறு செய்வதால் அரசாங்கம் அவர்களை இராணுவத்தில் சேர்த்து போரில் ஈடுபடுத்துவதை அவர்களால் தவிர்க்க முடிந்திருக்கிறது.