Category: அமெரிக்கா

அமெரிக்காவில் நடைபெற்ற, ‘தேசிய ஸ்பெல்லிங் பீ’ போட்டியில், இந்திய வம்சாவளியை சேர்ந்த, அனன்யா வினய், 12, முதலிடம் பெற்றார். இவ்வகை போட்டியில், 13-வது முறையாக தொடர்ந்து இந்திய வம்சாவளியினர் வெற்றி பெற்று வருகின்றனர்.

அமெரிக்காவில், ஆங்கில வார்த்தைகளுக்கான சரியான, ‘ஸ்பெல்லிங்’ சொல்லும், ‘தேசிய ஸ்பெல்லிங் பீ’ போட்டி ஒவ்வொரு ஆண்டும் நடப்பது வழக்கம். இந்த போட்டிகளில், உலக நாடுகளை சேர்ந்த, நுாற்றுக் கணக்கான போட்டியாளர்கள் பங்கேற்பர். அவர்களில், மிகச் சிறந்த போட்டியாளர்கள் தேர்ந்தெடுக்கப்பட்டு, இறுதிச் சுற்றுப் போட்டிக்கு அனுமதிக்கப்படுவர்.

ரஷ்ய ஜனாதிபதி விளாடிமிர் புடின் கடந்த ஆண்டு நவம்பரில் நடந்த அமெரிக்க ஜனாதிபதித் தேர்தலில்  ரஷ்யாவின் தலையீடு இருந்தது என்ற குற்றச்சாட்டுகளை மறுத்தார். “அதற்கான எவ்வித ஆதாரமும் இல்லை” என்றும் கூறினார்.

தூய பீட்டர்ஸ்பர்க் சர்வதேச பொருளாதார மன்றத்தில் ஊடகவியலாளர்களிடம் உரையாற்றுகையில், விளாடிமிர் புடின் கூறியதாவது :

ரஷ்ய தலையீடு குறித்த குறிப்பிடும்படியான சான்றுகள் எதுவும் இல்லை, மிஞ்சுவது வெறும் ஊகங்களேயன்றி வேறெதுவும் இல்லை.  இப்பயனற்ற, தீங்கு விளைவிக்கும்  வதந்திகள் நிறுத்தப்பட வேண்டும்.

மேலும் அவர் கூறுகையில் “இவ்வதந்திகள் சர்வதேச உறவுகளையும், உலகப் பொருளாதாரம் மற்றும் பாதுகாப்பு பிரச்சினைகள் ஆகியவற்றை சேதப்படுத்தும். நாம்  சரியான  ஒரு கூட்டணியைத் தொடங்க வேண்டியது அவசியமாகும்.” என்றார்.

“ரஷிய ஹேக்கர்களுடையதாக கூறப்படும் இன்டர்னெட் ஐ.பி. முகவரிகள் மிக எளிதாக தில்லுமுல்லு செய்து மாற்றப்படக்கூடியவையாகும். ஒரு 3 வயது குழந்தையால் அதைச் செய்ய முடியும். ஆகவே, அதையெல்லாம் ஆதாரமாக ஏற்க முடியாது.” என்றும் விளாடிமிர் புடின் கூறினார்.

அமெரிக்க ஜனாதிபதி டிரம்ப்  வியாழனன்று தன்னுடைய நிர்வாகம் பாரிஸ் காலநிலை ஒப்பந்தத்தில் இருந்து வெளியேறும் என்று அறிவித்தார்.

“பாரிஸ் ஒப்பந்தம் அமெரிக்காவிற்கு மிக மிக நியாயமற்றது. ஆகவே நாம் வெளியேறுகிறோம்”, என்று டிரம்ப் கூறினார்.

டிரம்ப்பின் முடிவு அவரது தேர்தல் பிரச்சார வாக்குறுதியை பூர்த்தி செய்வதுடன், குடியரசு கட்சியினரின் உலகளாவிய காலநிலை ஒப்பந்த எதிர்ப்பினை திருப்திப்படுத்தும் என எதிர்பார்க்கப்படுகிறது.

பாரிஸ் உடன்பாட்டின் விமர்சகர்கள் அது பொருளாதாரத்தைப் பாதிக்குமென வாதிடுகின்றனர், ஆனால் ஆதரவாளர்கள் அது எதிர்காலத்தில் புதிதாக வேலைகளை உருவாக்கும் என்று கூறுகிறார்கள்.

“பாரிஸ் ஒப்பந்தம் நமது பொருளாதாரத்தை குறைமதிப்பிற்கு உட்படுத்தும்; அது நம்மை நிரந்தரமாக அனுகூலமற்ற நிலைக்கு  உட்படுத்துகிறது.” என்று டிரம்ப் கூறினார்.

டிரம்ப்பின் அறிவிப்பிற்கு உலகத் தலைவர்கள் பலர் கண்டனம் தெரிவித்தனர்.  இவ்வொப்பந்தம் மீண்டும் மறுபரிசீலனை செய்யப்படலாம் என்று டிரம்ப் கூறியதை மூன்று முக்கிய ஐரோப்பியத் தலைவர்கள் மறுத்தனர்.

அமெரிக்க ஜனாதிபதி டொனால்ட் டிரம்ப் பாரிஸ் காலநிலை ஒப்பந்தத்தில் இருந்து அமெரிக்காவை திரும்பப் பெற வைப்பார் என எதிர்பார்க்கப்படுகிறது.

இந்த ஒப்பந்தம் மற்றும் இதைத் திரும்பப் பெறுதலினால் என்ன நடக்கும் என்பது பற்றி  சில  தகவல்கள் கீழே காணலாம் :

பாரிஸ் காலநிலை ஒப்பந்தம் என்றால் என்ன?

ஜனாதிபதி பராக் ஒபாமாவின் நிர்வாகத்தின் கீழ் உள்ள அமெரிக்கா உட்பட ஏறக்குறைய 200 நாடுகள், 2015 ஆம் ஆண்டில் காலநிலை மாற்றத்தை எதிர்த்துப் போராட தங்கள் பசுமை இல்ல வாயு உமிழ்வை தானாக குறைப்பதற்கு ஒப்புக்கொண்டன. ஒவ்வொரு நாடுகளும் தங்கள் உமிழ்வு இலக்குகளை தாங்களாகவே அமைத்துக்கொள்ளலாம். எனினும், இந்த இலக்குகள் அவர்களை சட்டப்பூர்வமாக கட்டுப்படுத்தாது.

அமெரிக்கா என்ன உறுதியளித்தது?

அமெரிக்கா தனது வருடாந்திர பசுமைக்குடில் வாயு உமிழ்வை 2025 – ஆம் ஆண்டில்  2005 -ல் இருந்ததைக் காட்டிலும்  26 முதல் 28 சதவிகிதம்  குறைக்க உறுதியளித்தது.  இதனால் 1.6 பில்லியன் டன் வருடாந்திர பசுமைக்குடில் வாயு உமிழ்வுகள் குறைக்கப்படும்.

உலக அளவில் கார்பன் வாயு உமிழ்வில் அமெரிக்கா இரண்டாவது இடத்திலும், சைனா முதலிடத்திலும் இருக்கின்றன.

ஒப்பந்தத்தில் கையெழுத்திடாத நாடுகள் எவை ?

நிகாரகுவா மற்றும் சிரியா. காலநிலை மாற்றத்திற்கான ஐ.நா. மாநாட்டில் பங்கேற்ற 197 நாடுகளில்,   இவ்விரு நாடுகளும் கையெழுத்திடவில்லை.

இதில் டிரம்பின் நிலைப்பாடு என்ன ?

காலநிலை மாற்றம் அமெரிக்க பொருளாதாரம் பாதிக்கப்படுவதற்கு சீனத்தால் உருவாக்கப்பட்ட ஒரு “ஏமாற்றுவித்தை” என்று பதவி ஏற்பதற்கு முன்னதாக டிரம்ப் கூறியுள்ளார். பரந்த விஞ்ஞான ஒத்துழைப்பை மீறியதாக இந்த வலியுறுத்தல் உள்ளது. டிரம்பின் கடந்த வார  வெளிநாட்டு பயணத்தின் போது, ஐரோப்பிய தலைவர்கள் அமெரிக்கா இவ்வுடன்படிக்கையில் தொடரவேண்டும் என  வலியுறுத்தினர். இத்தாலியில் நடந்த G-7 உச்சி மாநாட்டின் போது, மற்ற G-7 உறுப்பினர் நாடுகளுக்கு இதுகுறித்து டிரம்ப் மறுப்பு தெரிவித்தார்.

“அடுத்த சில நாட்களில் பாரிஸ் உடன்படிக்கையில் என் முடிவை நான் அறிவிப்பேன்,” என  டிரம்ப் புதன்கிழமை ட்வீட் செய்தார்.

அமெரிக்கா பின்வாங்கினால் என்ன அர்த்தம்?

காலநிலை மாற்றத்தை எதிர்த்துப் போராடுவதற்கான நடவடிக்கைகளை நிராகரிப்பதனால் உலகின் தொழில்மயமான பொருளாதாரங்களில் ரஷ்யா மட்டுமே அமெரிக்காவுடன் இணக்கமாக காணக்கூடிய நிலை ஏற்படும் .

அமெரிக்க அதிபர் டொனால்ட் டிரம்ப் “கிறிஸ்துவர்கள் மீதான கொலை தாக்குதல்கள் முடிவுக்கு வர வேண்டும்” என்று தெரிவித்துள்ளார்.

எகிப்தில் மின்யா மாகாணத்தில் கிழக்குப் பகுதியில் செயிண்ட் சாமுவேல் தேவலாயத்துக்கு பேருந்தில் சென்று கொண்டிருந்த கிறிஸ்துவர்கள் மீது மர்ம நபர்கள் நடத்திய துப்பாக்கிச் சூட்டில் 28 பேர் பலியாகினர். 20 பேர் காயமடைந்தனர்.

இந்தச் சம்பவத்துக்கு உலகத் தலைவர்கள் பலரும் தங்களது கண்டனங்களைத் தெரிவித்தனர்.

இத்தாக்குதல் குறித்து அமெரிக்க அதிபர் ட்ரம்ப் கூறும்போது, “எகிப்தில் கிறிஸ்துவர்கள் மீது நடத்தப்பட்டது இரக்கமற்ற தாக்குதல். ஏராளமான அப்பாவி மக்கள் உயிரிழந்துள்ளனர். பொது மக்களுக்கு எதிராக தீவிரவாதிகள் போரில் ஈடுபட்டுள்ளனர்.

மத்திய கிழக்கு நாடுகள் கிறிஸ்துவர்கள் பாதுகாப்பை உறுதி செய்ய வேண்டும். கிறிஸ்துவர்களுக்கு எதிரான கொலைகள் முடிவுக்கு வர வேண்டும். இந்தத் தாக்குதலில் ஈடுபட்டவர்களுக்கு விரைவில் தண்டனை வழங்கப்பட வேண்டும். எகிப்து மக்களுக்கு அமெரிக்கர்கள் துணை நிற்பார்கள், நமது எதிரிகளை தோற்கடிப்போம்” என்றார்.