திமுக தலைவர் கருணாநிதியின் 94வது பிறந்த நாள் மற்றும், அவர் சட்டசபையில் 60 ஆண்டுகாலம் பணியாற்றியதை கொண்டாடும் வைர விழா ஆகியவற்றை இணைந்து, சென்னை ஓய்எம்சிஏ மைதானத்தில் இன்று திமுக சார்பில் விழா நடந்தது.
காங்கிரஸ் தலைவர் ராகுல் காந்தி, தமிழக கவர்னர் வித்யாசாகர் ராவ், ஜார்கண்ட் கவர்னர் மர்மு மற்றும் பல்வேறு தலைவர்கள் வாழ்த்து தெரிவித்தனர்.
இந்த விழாவில் ராகுல் காந்தி பேசுகையில், கலைஞர் நீடுழி வாழ வேண்டும். இன்னும் பல பிறந்தநாள்களை கொண்டாட வேண்டும். அனைத்து மக்களின் துயரங்களையும் அறிந்து வைத்துள்ளவர் கலைஞர். தமிழக மக்கள் கலைஞரை ஆழமாக நேசிக்கின்றனர். சட்டபேரவை தேர்தலில் தோல்வியை கண்டிராதவர் என்று கூறினார்.
பிறந்த நாளை முன்னிட்டு தமிழகம் முழுவதிலுமிருந்து தொண்டர்கள் சென்னையில் குவிந்தனர். திமுக தலைவர் கருணாநிதிக்கு நேற்று 94 வயது பிறந்தது. வழக்கமாக பிறந்தநாளன்று கரு ணாநிதி அண்ணா, பெரியார் நினைவிடங்களுக்கு சென்று மரியாதை செலுத்துவார். பின் னர் அண்ணா அறிவாலயம் சென்று தொண்டர்களின் வாழ்த்துகளை ஏற்றுக் கொள்வார்.
